Ang OurDNA ay isang pangunahing proyekto ng Centre for Population Genomics. Ang Centre ay nakatatag upang:

• Maipasama ang mga komunidad na hindi sapat ang kinatawan sa henetiko na pananaliksik (genomic research);
• Galugarin ang pagkakagamit at katuturan ng genes ng tao sa kalusugan; at
• Paghusayin ang pagtutuklas at paggagamot sa mga sakit na henetiko (genetic diseases).

Ang Centre ay isang hindi-para-kumita na pinagsamang inisyatiba ng dalawang pangunahing mga institusyon sa pananaliksik: ang Garvan Institute of Medical Research sa Sydney at ang Murdoch Children’s Research Institute sa Melbourne.

Ang OurDNA ay nakikipagtulungan sa mga komunidad upang maipasama ang mga grupo ng kanunuan (ancestry) na karaniwang wala sa medikal na pananaliksik. Nakikipagtulungan kami sa mga maramihangkultura na samahan, mga pinuno ng komunidad at mga komunidad upang makabuo ng mapagkukunan sa henetiko na maging kinatawan sa lahat ng mga komunidad.

Ang binubuong mga mapagkukunan sa henetiko ng OurDNA ay magbibigay kakayahan sa lahat ng mga Australyano sa mga hinaharap na henerasyon na makinabang galing sa mga nagawang pagsulong ng medikal na pananaliksik. Basahin ang karagdagan tungkol sa kung ano ang aming ginagawa dito. 

Ang OurDNA ay nagbubuo ng mga henetikong mapagkukunan na makakabilang ang mga maramihangkultura na mga komunidad upang matiyak na ang lahat ay makikinabang sa mga pagsulong sa medikal na pananaliksik. Kabilang dito:

• Ang OurDNA Browser: isang mahahanapan, pampublikong database ng buod ng mga datos tungkol sa ikinaibang henetiko (genetic variation)
• Ang OurDNA Data: isang nakaseguri-dad na bangko ng impormasyon ng biyolohikal at kalusugan para sa pananaliksik sa hinaharap
• Ang OurDNA Samples: isang nakaseguridad na bangko ng mga sampol ng dugo na donasyon para sa pananaliksik sa hinaharap

Para sa karagdagang impormasyon tungkol sa mga binubuong mapagkukunan, bisitahin itong pahina.

Ang OurDNA ay pinopondohan ng: 

• Ang Centre for Population Genomics’ na mga institusyong nagtatag nito: Garvan Institute of Medical Research at Murdoch Children’s Research Institute
• Mga taong nagbigay ng pera para sa aming pananaliksik
• Ang pagpopondo para sa pananaliksik na ito ay ipinagkaloob din ng Australian Government’s Medical Research Future Fund (MRFF) grant 2015969 (CIA Daniel MacArthur; 2022-2027) gal-ing sa Genomics Health Futures Mission at ng National Health and Medical Research Council (NHMRC) investigator grant 2009982 (CIA Daniel MacArthur; 2022-2026). Ang mga nilalaman ng lathalaing materyal na ito ay nagsusulong kapanagutan ng mga may-akda at hindi naglalarawan sa mga pananaw ng Commonwealth of Australia o ng NHMRC.
• Ang OurDNA na programa ay tumatanggap din ng suporta mula sa Google’s Digital Future Initia-tive. Basahin dito ang karagdagan tungkol sa pagtutulungang ito. 

Ang OurDNA ay kasalukuyang pinondohan hanggang sa katapusan ng 2027. Layunin namin na magpatuloy sa aming ginagawa hanggang sa ang lahat ng mga komunidad ng Australya ay may sapat na kumakatawan at upang ang database at bangko ng sampol ng OurDNA ay magiging nandiyan at makukuhanan hanggang sa kayang itagal nito para sa mga mananaliksik.

Sa panahon ngayon, ang mga Australyano na nagmula sa mga sumusunod na mga grupo ng kanunuan ay kulang sa kinatawan o lubusang nawawala sa listahan ng mga henetiko na mapagkukunan:

• East African (hal., Ethiopian, Ghanaian, Kenyan, Mauritian, Somali, South Sudanese, at Suda-nese)
• North African at Middle Eastern (hal., Assyrian, Chaldean, Egyptian, Iranian, Iraqi, Jordanian, Lebanese, Palestinian, Syrian, at Turkish)
• Oceanian (hal., Fijian, Papua New Guinean, Samoan, at Tongan)
• South-East Asian (hal., Cambodian, Filipino, Indonesian, Malay, Thai, at Vietnamese)

Sinabi din sa amin ng mga Australyanong doktor na mahirap mahanap ang impormasyon tungkol dito sa mga pangkat ng kanunuan sa mga mapagkukunan at database na kanilang ginagamit para sa pagtutuklas ng mga kondisyon sa henetiko at kalusugan.

Ang OurDNA ay nakikipagtulungan na makaugnay ang mga komunidad na kulang ng kinatawan sa mga henetiko na mapagkukunan. Bisitahin ang pahinang ito para matingnan kung aling mga komunidad ang aktibo kaming nakikipagtulungan.

Ang DNA (deoxyribonucleic acid) ay matatagpuan sa lahat na bahagi ng katawan, pati na sa dugo at laway. Ang DNA ay naglala-man ng mga henetikong instruksyon ng isang tao, karaniwan sa mga seksyon na tinatawag na genes.

Ang gene ay isang seksyon ng DNA na naglalaman ng mga instruksyon ng katawan ng isang tao para lumago, lumaki at magtrabaho. Ang mga diperensya sa mga gene ay maka-katulong sa pagpapaliwanag kung ano ang magiging hitsura ng tao at kung paano ang magiging takbo ng kanilang mga katawan.

Ang henetikong impormasyon ay naglalaman ng mga instruksyon na ginagamit ng mga katawan ng mga tao para lumago, lumaki at magtrabaho. Ang mga pagkaiba o ikinaiba sa henetikong impormasyon ay nakakaapekto sa kalusugan. Ang mga tao ay nagbabahagi ng ilan sa kanilang henetikong impormasyon sa kanilang mga kadugong kamag-anak, pati na sa mga magulang, lolo at lola, mga kapatid na lalaki at babae at mga anak.

Ang lahat ng mga gene o henetikong impormasyon ng isang tao ay tinatawag na genome.

Ang genetic o genomic na gamot ay gumagamit ng impormasyon ng iyong DNA para matuklasan o matukuyan ang mga kondisyon ng kalusugan at magabayan ang paggagamot nito o mahadlangan ito.