Upang makasali sa OurDNA, dapat kang:

• Nasa mahigit 18 taong gulang
• Mayroong Medicare
• Makakapagbigay ng sampol ng dugo sa Victoria o sa New South Wales
• Sariling pagtutukoy na mayroong kanunuan mula doon sa isa sa mga komunidad na hindi sapat ang kinatawan sa mga hinetikong mapagkukunan. Bisitahin ang pahinang ito para matingnan kung aling mga komunidad ang aktibo kaming nakikipagtulungan.
• Ang mga tao ay hindi makakasali kung sila ay o alinman sa kanilang malapit na kamag-anak sa pamilya ay may kilalang grabeng sakit sa henetiko, katulad ng cystic fibrosis o muscular dystro-phy. Hindi kabilang dito ang mga karaniwang sakit kagaya ng inflammatory bowel dis-ease, kanser o diabetes.

Ang OurDNA ay kasalukuyang pinondohan hanggang sa katapusan ng 2027. Layunin namin na magpatuloy sa aming ginagawa hanggang sa ang lahat ng mga komunidad ng Australya ay may sapat na kumakatawan at upang ang database at bangko ng sampol ng OurDNA ay magiging nandiyan at makukuhanan hanggang sa kayang itagal nito para sa mga mananaliksik.

Ang pakay ng programa ng OurDNA ay upang maipasama sa henetikong representasyon ang mga taong mula sa isang tukoy, hindi sapat ang kinatawan na mga komunidad sa mga mapagkukunan na henetiko. Subali't, nauunawaan namin na ang ilang mga tao ay maaaring magpatukoy bilang bahagi ng isang kultural na komunidad, ngunit mayroong kakaibang pinagmulang henetiko.

Kung ikaw ay nagpapatukoy na mayroong kanunuan mula sa isa sa mga komunidad na aktibo kaming nakikipagtulungan, ngunit hindi ka nakakatiyak sa iyong pinagmulan o hindi mo alam, hinihimok ka namin na sumali.

Habang hindi naman kami direktang nakikipagtulungan sa mga katutubong komunidad, kami ay aktibong miyembro ng ALIGN at CONNECT na consortia, pambansang pagkilos na pinangungunahan ng mga gawaing katutubo na nagtatrabaho upang bigyang kakayahan ang mga taong Aborihinal at Torres Strait Islander sa henetikong panggamot at pananaliksik.

Nagbibigay kami ng teknikal na payo para sa pagdedebelop ng imprastruktura ng genomic data na maging naaayon sa bansa, nababagay sa kultura, etikal na pagtatago, pangangasiwa at pakikibahagi ng genomic data upang makinabang ang mga katutubong Australyano.

Nakikipagtulungan ang OurDNA sa maraming samahan ng komunidad upang malaman kung ano ang pinakamabisang paraan upang makalapit, makausap at maanyayahan ang mga tao mula sa kanilang komunidad na sumali sa Our DNA. Ang isang buong listahan na nakipagtulungan kami sa mga samahan ng komunidad ay makukuha sa pahinang ito.

Ang OurDNA at Centre for Population Genomics ay nakikipagtulungan din sa maraming mga kaakibat sa pananaliksik at industriya upang makatulong sa paghahatid ng mga benepisyo sa mga programa ng OurDNA.