Nasagot namin ang ilang mga katanungan tungkol sa OurDNA na nasa ibaba. Makipag-ugnayan sa amin kung mayroon kang anumang mga katanungan na hindi nasagot sa pahinang ito.
Ang OurDNA ay nakikipagtulungan sa mga komunidad upang maipasama ang mga grupo ng kanunuan (ancestry) na karaniwang wala sa medikal na pananaliksik. Nakikipagtulungan kami sa mga maramihangkultura na samahan, mga pinuno ng komunidad at mga komunidad upang makabuo ng mapagkukunan sa henetiko na maging kinatawan sa lahat ng mga komunidad.
Ang binubuong mga mapagkukunan sa henetiko ng OurDNA ay magbibigay kakayahan sa lahat ng mga Australyano sa mga hinaharap na henerasyon na makinabang galing sa mga nagawang pagsulong ng medikal na pananaliksik. Basahin ang karagdagan tungkol sa kung ano ang aming ginagawa dito.
Ang OurDNA ay isang pangunahing proyekto ng Centre for Population Genomics. Ang Centre ay nakatatag upang:
Ang Centre ay isang hindi-para-kumita na pinagsamang inisyatiba ng dalawang pangunahing mga institusyon sa pananaliksik: ang Garvan Institute of Medical Research sa Sydney at ang Murdoch Children’s Research Institute sa Melbourne.
Ang OurDNA ay pinopondohan ng:
Ang OurDNA ay kasalukuyang pinondohan hanggang sa katapusan ng 2027. Layunin namin na magpatuloy sa aming ginagawa hanggang sa ang lahat ng mga komunidad ng Australya ay may sapat na kumakatawan at upang ang database at bangko ng sampol ng OurDNA ay magiging nandiyan at makukuhanan hanggang sa kayang itagal nito para sa mga mananaliksik.
Oo, ang proyektong OurDNA ay inaprubahan ng sertipikadong Human Research Ethics Com-mittee (HREC) ng Royal Children’s Hospital. Ang sanggunian ng aming etikong pagka-apruba ay: HREC/91986/RCHM-2023
Kung mayroon kang anumang katanungan tungkol sa proseso ng mga etikong pag-apruba sa OurDNA, o nais makipag-usap sa isang independiyenteng tao ng pangkat ng tagasaliksik, maaari mong kontakin ang Director of Research Operations na nasa The Royal Children’s Hospital. Maaari mong tawagan ang Director sa (03) 9345 5044 o mag-email sa kanila sa rch.ethics@rch.org.au
Nakikipagtulungan ang OurDNA sa maraming samahan ng komunidad upang malaman kung ano ang pinakamabisang paraan upang makalapit, makausap at maanyayahan ang mga tao mula sa kanilang komunidad na sumali sa Our DNA. Ang isang buong listahan na nakipagtulungan kami sa mga samahan ng komunidad ay makukuha sa pahinang ito.
Ang OurDNA at Centre for Population Genomics ay nakikipagtulungan din sa maraming mga kaakibat sa pananaliksik at industriya upang makatulong sa paghahatid ng mga benepisyo sa mga programa ng OurDNA.
Sa panahon ngayon, ang mga Australyano na nagmula sa mga sumusunod na mga grupo ng kanunuan ay kulang sa kinatawan o lubusang nawawala sa listahan ng mga henetiko na mapagkukunan:
Sinabi din sa amin ng mga Australyanong doktor na mahirap mahanap ang impormasyon tungkol dito sa mga pangkat ng kanunuan sa mga mapagkukunan at database na kanilang ginagamit para sa pagtutuklas ng mga kondisyon sa henetiko at kalusugan.
Ang OurDNA ay nakikipagtulungan na makaugnay ang mga komunidad na kulang ng kinatawan sa mga henetiko na mapagkukunan. Bisitahin ang pahinang ito para matingnan kung aling mga komunidad ang aktibo kaming nakikipagtulungan.
Habang hindi naman kami direktang nakikipagtulungan sa mga katutubong komunidad, kami ay aktibong miyembro ng ALIGN at CONNECT na consortia, pambansang pagkilos na pinangungunahan ng mga gawaing katutubo na nagtatrabaho upang bigyang kakayahan ang mga taong Aborihinal at Torres Strait Islander sa henetikong panggamot at pananaliksik.
Nagbibigay kami ng teknikal na payo para sa pagdedebelop ng imprastruktura ng genomic data na maging naaayon sa bansa, nababagay sa kultura, etikal na pagtatago, pangangasiwa at pakikibahagi ng genomic data upang makinabang ang mga katutubong Australyano.
Ang mga selyula ay mga buhay na maliliit na bahagi ng katawan ng isang tao na nagtutulungan bilang mga himaymay at sangkap (piyesa ng katawan) para manatiling buhay at napapaandar ang katawan. Ang mga selyula ay maaaring ipayelo o patubuin para mapag-aralan.
Ang DNA (deoxyribonucleic acid) ay matatagpuan sa lahat na bahagi ng katawan, pati na sa dugo at laway. Ang DNA ay naglala-man ng mga henetikong instruksyon ng isang tao, karaniwan sa mga seksyon na tinatawag na genes.
Ang gene ay isang seksyon ng DNA na naglalaman ng mga instruksyon ng katawan ng isang tao para lumago, lumaki at magtrabaho. Ang mga diperensya sa mga gene ay maka-katulong sa pagpapaliwanag kung ano ang magiging hitsura ng tao at kung paano ang magiging takbo ng kanilang mga katawan.
Ang mga henetiko ay pag-aaral tungkol sa mga gene at ang kanilang mga ginagampanan sa mga paggalaw ng katawan.
Ang ikinaiba na henetiko ay ang pagkakaiba o pagbabago sa henetikong impormasyon ng isang tao. Ang ilang mga ikinaibang henetiko ay makakatulong na magpaliwanag sa mga pagkakaiba ng tao sa hitsura, tulad ng kulay ng buhok at mata. Ang iba namang ikinaibang henetiko ay nakakaapekto sa kalusugan ng isang tao o sa sistema ng pagresponde sa mga gamot na iniinom o mga paggagamot.
Ang henetikong impormasyon ay naglalaman ng mga instruksyon na ginagamit ng mga katawan ng mga tao para lumago, lumaki at magtrabaho. Ang mga pagkaiba o ikinaiba sa henetikong impormasyon ay nakakaapekto sa kalusugan. Ang mga tao ay nagbabahagi ng ilan sa kanilang henetikong impormasyon sa kanilang mga kadugong kamag-anak, pati na sa mga magulang, lolo at lola, mga kapatid na lalaki at babae at mga anak.
Ang lahat ng mga gene o henetikong impormasyon ng isang tao ay tinatawag na genome.
Ang genomics ay pag-aaral sa genomes ng mga tao. Sa genomics, pinag-aaralan ng mga mananaliksik ang maraming genes nang sabay-sabay o mga genomes ng mga tao nang sabay-sabay.
Ang genetic o genomic na gamot ay gumagamit ng impormasyon ng iyong DNA para matuklasan o matukuyan ang mga kondisyon ng kalusugan at magabayan ang paggagamot nito o mahadlangan ito.
Upang makasali sa OurDNA, dapat kang:
Kapag sumali ka sa OurDNA at piniling tumanggap pabalik ng henetikong impormasyon, itong impormasyon ay makapagsasabi sa iyo ng bagay-bagay tungkol sa iyong kalusugan o ang ka-lusugan ng pamilya sa hinaharap.
Habang wala namang gastos upang malaman ang impormasyong ito sa pamamagitan ng pananaliksik, kinakailangan namin ang pagiging kabilang sa Medicare upang matiyak na makaka-access ka sa mga serbisyong pangklinika kung sakaling may ibabalik kaming resulta. Kung ikaw ay nasasaklaw ng Medicare sa Australya, kalimitang wala o may kaunting gastos sa isang pagpapasangguni ng doktor para sa henetikong mga serbisyo sa kalusugan.
Maging anuman ang katayuan sa visa, isinasali lamang ng OurDNA ang mga taong saklaw ng Medicare sa panahon nang pagbibigay ng pagpayag. Kung hindi ka nakakatiyak sa iyong pagka-nararapat sa pagsali sa OurDNA, mangyaring makipag-usap sa isa sa mga miyembro ng pangkat sa pananaliksik.
Ang pakay ng programa ng OurDNA ay upang maipasama sa henetikong representasyon ang mga taong mula sa isang tukoy, hindi sapat ang kinatawan na mga komunidad sa mga mapagkukunan na henetiko. Subali't, nauunawaan namin na ang ilang mga tao ay maaaring magpatukoy bilang bahagi ng isang kultural na komunidad, ngunit mayroong kakaibang pinagmulang henetiko.
Kung ikaw ay nagpapatukoy na mayroong kanunuan mula sa isa sa mga komunidad na aktibo kaming nakikipagtulungan, ngunit hindi ka nakakatiyak sa iyong pinagmulan o hindi mo alam, hinihimok ka namin na sumali.
Oo, makakasali ka sa OurDNA kung mayroon kang mga tattoo.
Hindi, makakasali ka lamang ng isang beses sa OurDNA. Ang bawa't kontribusyon ng tao ay pambihira at mahalaga ngunit kailangan namin ang maraming magkakaiba't-ibang tao na sumali para sa OurDNA upang makagawa ng pagkakaiba sa medikal na pananaliksik at pangkalusugang pangangalaga sa hinaharap.
Kung pinili mong sumali sa OurDNA, magtatanong kami kung gusto mong makatanggap ng im-pormasyon pabalik tungkol sa anumang mga henetikong pagbabago na may masasabi sa iyong bagay-bagay tungkol sa kalusugan sa hinaharap o sa kalusugan ng iyong pamilya.
Mangyayaring kaunting tao lamang sa mga taong sumali sa OurDNA ang malamang na maka-tanggap ng ganitong klaseng resulta. Ang OurDNA ay mag-aalok lamang ng impormasyon tungkol sa mga pagbabago sa henetiko na:
Itong impormasyon ay maaaring hindi magagamit sa loob ng ilang mga taon dahil ang mga mananaliksik ay kakailanganing pag-aralan ang henetikong impormasyon sa OurDNA upang matrabaho kung ano ang makakatulong na resulta ang maibabalik. Kung ikaw ay interesado sa genetic na pagsusuri para sa mga pakay ng kalusugan, mangyaring makipag-usap sa iyong doktor o sa isang propesyonal sa henetikong kalusugan.
Mag-aalok lamang ang OurDNA ng resulta sa mga henetikong pagbabago na mauunawaan ng mabuti, at kung saan may mga aksyon na magagawa ikaw at ang iyong doktor upang mapahu-say ang iyong kalusugan o mahadlangan ang isang kondisyon sa kalusugan (sakit)..
Makakabilang sa mga kondisyon ang:
Ang OurDNA ay hindi nagbabalik ng impormasyon sa kasalukuyan para sa mga sakit na tulad ng dementia, na kung saan maraming magkakaiba't-ibang kadahilanan ang kasangkot at wala kang magagawang malinaw na henetikong dahilan o magagawang aksyon.
Itong impormasyon ay ibabalik sa iyo ng taga-OurDNA na propesyonal sa kalusugan: halimba-wa, isang genetic counsellor. Ang mga genetic counsellor ay sinanay na sumuporta sa mga tao at pamilyang apektado ng o nasa peligro na magkaroon ng isang henetikong kondisyon sa ka-lusugan.
Ang OurDNA ay hindi nagbabalik ng impormasyon sa mga taong sumali tungkol sa henetikong kanunuan. Nauunawaan namin na ang mga tao ay mausisa tungkol sa kanilang kanunuan, ngunit tinatanggap din namin na may maraming ibang paraan para isipin ang tungkol sa pamilya, mga koneksyon at pagkakakilanlan.
Nais naming igalang ang pagkakilanlan at kultura ng lahat at ang misyon ng OurDNA ay upang gumawa ng mga pagtutuklas tungkol sa henetiko na mapapakinabangan ng lahat. Kung sumali ka sa OurDNA, makakapili kang kuhanin pabalik ang henetikong impormasyon na makapag-sasabi sa iyo ng bagay-bagay tungkol sa iyong kalusugan o ng kalusugan ng pamilya sa darat-ing na panahon.
Kung sumali ka sa OurDNA, makakahiling ka ng kopya ng iyong magaspang (‘raw’) na he-netikong mga datos. Ang iyong henetikong mga datos ay isang elektronikong ipinalabas na printa ng iyong DNA na ang mga programa ng kompyuter lamang ang makakabasa. Datapwa't, hindi ito lalabas na may kasamang sinulat na impormasyon tungkol sa iyong kalusugan, iyong kanunuan o iba pang mga katangian.
Sa karamihan, hindi man lahat, ang mga kasali sa OurDNA ay magkakaroon ng magaspang na henetikong mga datos na nalikha galing sa sampol ng kanilang dugo. Kung hiniling mo ito at mayroon kaming magaspang na mga datos, maibibigay namin ito sa iyo.
Kung mayroon kang anumang katanungan o gusto mo ng karagdagang impormasyon, mangyar-ing tawagan kami.
Ang pagbibigay ng pagpayag sa pagsali sa OurDNA na programa ay ginagawa sa pamamagitan ng nakaseguridad na portal sa online. Makapagpaparehistro ka sa website sa pag-click ng “Join now” button o sa pamamagitan ng “OurDNA” app na nasa App Store o Google Play Store.
Ang online na portal ay magbibigay sa iyo ng impormasyon tungkol sa pagsali sa OurDNA at magpapaliwanag kung ano ang mangyayari sa iyong mga sampol ng dugo at DNA. May limang mga porma na kukumpletohin ka para sa pagbibigay ng iyong pagpayag:
Ang proseso ng pagpayag ay aabutin ng 20 minuto para makumpleto. Kung mayroon kang anumang katanungan, maaaring kami ay tawagan.
Ang OurDNA ay humihingi sa mga kalahok na magkumpleto ng sasagutin ang isang maikling set ng mga tanong upang matulungan kaming maunawaan ang ilang mga bagay-bagay tungkol sa iyong kalusugan at kung ikaw ay dati ng mayroon, o kasalukuyang mayroon ng ilang mga kon-disyon sa kalusugan.
Itong impormasyon ay makakatulong sa mga doktor at tagasaliksik na mapag-aralan ang mga kondisyon sa kalusugan na maaaring karaniwan lang sa iyong komunidad, at makagawa ng mas malinaw na pagkukumpara sa pagitan ng mga pagbabago sa DNA at itong mga karaniwang kon-disyon. Makakatulong ito sa mga tagasaliksik na lumikha ng mas magaling na panggamit sa pag-tutukoy, pagkikilala at paggagamot ng mga kondisyon, tulad ng diabetes at sakit sa puso.
Kung kailangan mong mag-update ng impormasyong ibinigay mo sa online portal ng pagpayag, mangyaring tawagan kami. Ang isang OurDNA na miyembro ng pangkat ay makikipag-ugnayan para tulungan ka.
Kung sumali ka sa OurDNA, magbibigay ka ng sampol ng dugo sa isang kaganapan ng OurDNA o sa isa naming mga kaakibat na klinika ng pathology.
Ang ilan sa iyong sampol ng dugo ay gagamitin para kumolekta ng DNA at basahin ang iyong henetikong impormasyon. Ang iyong dugo, selyula ng dugo, impormasyon sa kalusugan at he-netikong impormasyon ay itatago at pag-aaralan para gawing madali ang kalusugan at medikal na pagsasaliksik sa hinaharap.
Kung plano mong magbigay ng sampol ng dugo sa isa naming kasosyo na klinika ng pathology, mangyaring bisitahin sila mula araw ng Lunes hanggang Huwebes.
Ang pagbibigay ng dugo sa pagitan ng Lunes hanggang Huwebes ay naka-katulong na magpatiyak na may pin-akamalakas na epekto ang iyong pagkasangkot. Ang ilang mga labora-toryo ay sarado pag-sabado at linggo at ang paghahatid ay mabagal din. Hindi namin magagarantiyahan na ang mga sampol na ibinigay sa Biyernes hanggang Linggo na makakabilang sa OurDNA maliban kung ito ay ibinigay sa isang ginanap na kaganapan ng OurDNA.
Kung sa sabado at linggo ka lang makakapagbigay ng sampol ng dugo, mangyaring i-tsek dito ang mga paparating na kaganapan ng OurDNA.
Ang aming kwalipikadong mga tagakolekta ng dugo ay kukuha lamang ng kaunting sampol ng dugo: 30 ml. Ito ay mas kaunti pa sa dalawang kutsarang likido!
Kung magbago ka ng isip tungkol sa pagsali sa OurDNA, mangyaring pakitawagan kami. Ang isang miyembro ng pangkat ng OurDNA ay makikipag-ugnay para tulungan kang kumalas sa programa o baguhin ang iyong mga gustong piliin.
Kapag nagbigay ka ng sampol ng dugo, ang iyong pangalan, petsa ng kapanganakan at isang code ay gagamitin para matukoy ikaw upang masundan ang iyong sampol habang ibinibiyahe. Ang donasyon mong dugo ay ilalagak at ipoproseso sa isang nagpoprosesong laboratoryo.
Ang iyong sampol ng dugo, selyula ng dugo o sampol ng DNA ay itatago sa Biobanking Victoria. Ang mga Biobank ay mga laboratoryo na tahanan ng mga koleksyon ng mga biyolohikal na sam-pol, na isang lugar na kontroladong taguan.
Ang mga datos na naipapalabas sa sampol ng iyong dugo, mga selyula o DNA ay ibabahagi lamang sa mga aprubadong tagasaliksik at para lang sa mga dahilang pinayagan mo. Ang iyong personal na mga detalye ay makikita o makikita lamang ng ilang katao sa pangkat ng OurDNA, para makipag-ugnay sa iyo kung nagbigay ka ng pagpayag na pwede kang muling makontak.
Mahahanap mo ang karagdagang impormasyon tungkol sa kung ano ang mangyayari sa sampol ng dugo na iyong ibinigay sa tingnan itong diagram.
Ang OurDNA ay may itinatag na mga ligtas na sistema para pagtaguan ng iyong mga personal na detalye, impormasyon sa kalusugan at henetiko at mga donasyong sampol na dugo. Ang mga sampol ng dugo, selyula at DNA ay itatago ng magkahiwalay sa isang pasilidad na biyobangko (biobanking) hanggang sa ikatatagal ng panahon.
Ang lahat ng elektronikong impormasyon ay ligtas na ilalagay sa mga server ng mga database na nakatatag sa Australya at pinapatakbo ng mga sertipikadong tagapagbigay sa kalusugan, ta-gapagbigay ng impormasyon sa kalusugan o mga institusyon ng medikal na pananaliksik. Itong mga nakaseguridad na database ay sumusunod sa istriktong mga tuntunin at pinakamagaling na pagpapalakad sa paghawak at pagtatago ng impormasyon.
Kung sumali ka sa OurDNA, ang iyong mga personal na detalye ay gagamitin upang masundan (track) ang sampol ng iyong dugo mula sa kaakibat na klinika ng pathology o mula sa kaganapan ng OurDNA patungo sa nagpoprosesong laboratoryo. Ang mga kwalipikadong tagakolekta ng dugo na kumolekta ng iyong dugo ay makakaalam ng iyong pangalan at petsa ng kapanganakan at ang mga aprubadong OurDNA na miyembro ng pangkat lamang ang makaka-pag-log in sa portal para tumulong o magpaalala sa iyo habang nasa proseso ng pangongolekta ng dugo.
Sa oras na naproseso ang sampol ng iyong dugo sa laboratoryo, ang iyong mga personal na detalye ay nakatago sa isang lugar at ang iyong henetikong impormasyon ay nakatago naman sa ibang lugar. At habang ang sampol ng iyong dugo ay pinoproseso, pinag-aaralan, itinatago at ibinabahagi, i-uugnay ito sa iyong mga personal na detalye sa pamamagitan ng isang code o numero.
Ang kalakhang pangkat ng OurDNA at iba pang mga tagasaliksik sa kalusugan at medikal ay makakakita lang ng project code, hindi ang mga personal mong detalye. Ang code ay maaaring gamitin upang i-ugnay muli ang iyong henetikong impormasyon sa iyong mga personal na de-talye, ngunit yaon ay kung pinili mong kunin pabalik ang iyong henetikong impormasyon tungkol sa iyong kalusugan mula sa OurDNA.
Ang pagkapribado at seguridad ng data ng kalahok ay napakamahalaga sa amin. Kung nagpasya kang sumali sa OurDNA, ang iyong mga personal na detalye at ang iyong henetikong impormasyon ay itatago nang magkahiwalay. Ang mga kinakailangan lang na miyembro at aw-torisadong miyembro ng pangkat ng OurDNA ang makaka-access sa iyong mga personal na detalye, at para lang sa mga bagay-bagay na sinang-ayunan mo..
Halimbawa:
Kung sumali ka sa OurDNA, ang iyong henetikong impormasyon ay pagsasamahin sa marami pang ibang henetikong impormasyon ng ibang mga tao, ibubuod at ilalagay sa mga pampublikong database para makatulong sa mga doktor at tagasaliksik na makita ang mga nauuso (trends) at tularan (pattern) na nasa data. Ang mga taong gumagamit ng mga pampublikong database ay hindi makakakita kung saan nanggaling ang impormasyon.
Ang mga tagasaliksik sa kalusugan at medikal sa buong mundo na labas sa OurDNA ay maaaring mag-aplay upang tumingin at magtrabaho gamit ang iyong mga sampol at impor-masyong nakolekta sa pamamagitan ng proyekto ng OurDNA. Hindi posibleng mahuhulaan ang lahat ng mga paggagamitan ng iyong data at mga sampol sa hinaharap. Ngunit, ang iyong mga sampol at data ay gagamitin lamang sa mga etikal na aprubadong pananaliksik sa hinaharap.
Depende kung ano ang pinayagan mo, ang iyong di tinu tukoy na datos (wala ang iyong personal na detalye) ay maaaring gamitin sa mga pananaliksik na kasangkot ang mga ahensya ng pamahalaan, tulad ng Department of Health.
Ang data na makakatukoy sa iyo (iyong personal na detalye) ay kumpidensyal na itatago. Hindi namin ibabahagi itong impormasyon maliban kung kami ay pormal na kinailangan ng batas at wa-la kaming pagpili na magagawa. Mangyayari lang ito sa pinakabihirang mga sitwasyon tulad ng kung ang impormasyon ay na-subpoena sa isang kriminal na imbestigasyon ng seryosong krimen. Ang paggamit nitong data ay mangyayari alinsunod sa kaugnay na mga pang-pederal at estado na pampribadong batas.
Ang OurDNA ay nagbubuo ng mga henetikong mapagkukunan na makakabilang ang mga maramihangkultura na mga komunidad upang matiyak na ang lahat ay makikinabang sa mga pagsulong sa medikal na pananaliksik. Kabilang dito:
Para sa karagdagang impormasyon tungkol sa mga binubuong mapagkukunan, bisitahin itong pahina.
Ang OurDNA Browser ay isang pampublikong mapagkukunan na sinadyang ipapagamit sa mga doktor at tagasaliksik na may kasanayan sa genetics at genomics. Ang pampublikong katangian nitong mapagkukunan ay nangangahulugang mas maraming doktor at tagasaliksik ang makaka-access sa Browser, na mauuwi sa mas mabilis na mga siyentipikong pagsulong at mga benepisyo sa pangkalusugang pangangalaga para sa mga lumalahok na komunidad.
Magagamit ang OurDNA Browser para sa siyentipikong pagtutuklas, isang mas mahusay na pag-unawa sa kalusugan at mga kondisyon sa kalusugan (sakit), at para makapag-diyagnosis ng mga kondisyong henetiko sa mga komunidad na kulang sa kinatawan. Ang mga gumagamit ng Browser ay inaasahang magsa-alang-alang ng benepisyo para sa komunidad, mga epektong etikal at may-responsibilidad na pagrereport kapag tinatrabaho ang mga datos.
Ang data na nasa Browser ay hindi dapat gamitin para matukoy ang mga indibidwal na sumali sa OurDNA o para lumikha ng o magpanatili ng pagkakategorya tungkol sa mga komunidad.
Ang buod ng data mula sa henetikong impormasyon na available sa OurDNA Browser ay isasa-ma sa internasyonal na ugnayan (network) ng gnomAD databases. Ang gnomAD ay isang henetikong mapagkukunan na may pakay na maglarawan ng pandaigdig na pagkakaiba't-iba sa pamamagitan ng pagsasama ng buod na datos galing sa mga proyekto tulad ng OurDNA sa North America, South America, Europe, Africa, Asia at Australia. Maa-akses ito ng mga doktor at tagasaliksik sa buong mundo upang makita ang mga nauuso (trends) at tularan (patterns) sa impormasyon, ngunit hindi sa kung sino ang pinanggalingan ng impormasyon.
Ang pagkakaroon ng nagsosolo, kumakatawan na database ay magbibigay kakayahan sa mga doktor at tagasaliksik sa buong mundo na maka-akses sa impormasyong kailangan nila upang madiyagnosis at mas maunawaan ang iba't-ibang mga kondisyon sa kalusugan (sakit). Ang gnomAD database ay nakatatag sa Broad Institute of MIT at Harvard sa Cambridge, Massachu-setts.
Ang mga aprubadong tagasaliksik sa kalusugan at medikal na labas sa OurDNA ay maaaring mag-aplay upang tumingin at magtrabaho gamit ang mga sampol at impormasyong nakolekta sa pamamagitan ng proyekto ng OurDNA. Ang iyong mga sampol at datos ay gagamitin lamang para sa etikal na aprubadong pananaliksik sa hinaharap at para lang sa mga kadahilanang sinang-ayunan mo.
Kapag nagbahagi kami ng iyong data o mga sampol sa mga aprubadong tagasaliksik, papan-gasiwaan namin ito nang may seguridad at tatanggalin ang mga personal na detalyeng nagtutu-koy sa iyo. Magbibigay lamang kami ng akses sa mga aplikante sa impormasyon ng iyong ka-lusugan at henetiko kung sila ay pumayag na hindi kailanman gagamitin ang impormasyon upang masubukang matukuyan ikaw.
Ang mga aprubadong tagasaliksik ay maaaring nasa Australia o ibang bansa, kabilang ang mga unibersidad, ospital, mga institusyon sa medikal na pananaliksik, at mga hindi-para-kumita na mga samahan; o mga tagasaliksik na bahagi ng hindi-para-kumita na mga kompanya sa biomed-ical, pharmaceutical, teknolohiya o diagnostic testing.