'Oku ngāue fakataha 'a e OurDNA mo e ngaahi komiunití fakamatakali ke fakapapau'i 'e kau lelei ki he kau 'Aositelēlia 'a e ngaahi fakalakalaka 'i he fakatotolo ki he ngaahi me'a fakafaito'o mo e tokangaekina fakamo'uilelei.'I ho'o kau mau ki he OurDNA, te ke lava tokoni ki hono fakalelei 'a e ngaahi fakafuofua mahaki, faito'o, mo e tokangaekina e mo'uilelei ma'ae to'utangata 'o e kaha'u.
Kapau 'oku ke kau ki he taha 'o e ngaahi komuninití 'oku mau ngāue mo kinautolu pea ke kau ki he OurDNA, te ke tokoni ki he kau fakatotolo ke:
'Ilo'i vaveange 'a e ngaahi fokoutua fakaesino
Mahino'i mo fakafuofua'i 'a e ngaahi mahaki 'i ho komiunití
Fakalele'i 'a e kaha'u 'o e tokangaekina fakafaito'o 'o e kakai 'oku nau tukufakaholo tatau mo koe
Fakatupu 'a e ngaahi fo'i'akau mo e faito'o ma'ae 'Aositelēlia kotoa pe
'I ho'o kau mai ko e konga 'o e OurDNA, te ke lava fakapapau'i 'oku kau ho komiunití he ngaahi fakatotolo tukufakaholo. 'E lava tokoni eni ki hono fakafuofua'i, tala, faka'ehi'ehi, mo faito'o ha mahaki.
'I hono to'o pe ha ki'i samipolo si'isi'i 'o e toto, 'oku ke tanaki fakahangatonu mai ki he ngaahi naunau mo e tauhi'anga koloa 'oku ngāue'aki 'e he kau toketā mo e kau fakatotolo ke mahino'i 'a e ngaahi palopalema fakamo'uilelei 'oku mahu'inga ki ho komiunití.
Ko e fakatātā, ko ha liliu pe me'a ngalikehe 'i ho DNA 'e malava pe ko e tupu'anga ia 'o ha fokoutua 'oku ke mo'ua ai. Ko e liliu pe me'a ngalikehe 'i ha taha kehe mei ha komiunití ke 'e lava angamaheni pe ia pea 'ikai uesia ai 'enau mou'ilelei. Ko e 'ilo ko ia fekau'aki mo e ngaahi liliu 'i he DNA ho komiunití 'e lava ia ke fakafuofua'i 'a e ngaahi fokoutua mo fai 'a e ngāue ki hono faito'o pe ko e faka'ehi'ehi 'i he kaha'u.
Ko e tānaki'anga fakamatala 'atā ki he kakai, lava 'o fai ai e fekumi ki he ngaahi fakamatala tukufakaholo
Ko e fai'anga fekumi ko eni OurDNA ko e tānaki'anga fakamatala 'oku lava 'o fai ai e fekumi 'o e ngaahi liliu fakatukufakaholo. Te ne tokoni'i e kau toketā mo e kau fakatotolo ke mahino'i leleiange mo fakafuofua'i ha fokoutua fakaesino.
'Oku tauhi malu 'e he teita 'a e OurDNA 'a e ngaahi fakamatala mo'ui mo e mo'uilelei 'a e kakai 'oku nau kau mai 'i he OurDNA ki he ngaahi fekumi fakafaito'o 'i he kaha'u.
'E lava 'e he ngaahi Samipolo OurDNA 'o tokoni'i ke faingofuaange 'a hono fakahoko 'a e fakatotolo fakamo'uilelei mo fakafaito'o 'e lelei ki he ngaahi komiunití 'Aositelēlia 'i he kaha'u.
Lau 'a e fakamatala fakangofua pea mo fakakakato 'a e foomu fakangofua.
'A'ahi ki he senitā to'o toto 'oku mau fengāue'aki pe kau mai ki he'emau polokalama 'a e OurDNA ke to'o ha toto.
Te ke lava fili ke ma'u atu 'a e fakamuimuitaha 'i he fakatotolo, ngaahi ola mo e uesia ho'o kau mai.
Ma'u 'a e fakamuimuitaha, ngaahi talanoa mei he komiunití mo e fakamatala fekau'aki mo 'emau ngaahi polokalama.
Kapau 'oku 'ikai te ke lava ma'u 'a e tali 'oku ke fekumi ki ai, fetu'utaki mai kiate kimautolu.
DNA (deoxyribonucleic acid) 'e lava 'o ma'u he konga kotoa pe 'o e sino, kau ai 'a e toto mo e fāvai. 'Oku 'i he DNA 'a e fa'unga 'o ha tokotaha, tautautefito pe 'i he tafa'aki 'oku ui ko e senesi.
'Oku lolotonga fakapa'anga 'a e OurDNA 'o a'u ki he 'osi 'a e 2027. Ko 'emau taumu'a ke hokohoko atu 'a e ngāue kae 'oua leva kuo fakafofonga'i 'a e kotoa 'o e ngaahi komiunití 'Aositelēlia pea ke 'atā 'emau tauhi'anga fakamatala OurDNA mo e pangikē samipolo ki he loloa taha 'e ala lava ma'ae kau fakatotolo.
'Io, ko e poloseki OurDNA kuo faka'atā 'e he Human Research Ethics Committe (HREC) 'a e Falemahaki Royal Children's. Ko e fika ki he faka'atā faka'efika ko e: HREC/91986/RCHM-2023
Kapau 'e 'i ai ha'o ngaahi fehuíohi fekau'aki mo e founga na'e faka'atā'aki faka'efika 'a e OurDNA, pe fiema'u ke lea ki ha taha tu'u tau'atāina mei he timi fakatotolo, te ke lava fetu'utaki ki he Talēkita 'o e Ngāue Fakatotolo (Director of Research Operations) 'i he Falemahaki Royal Children's. Te ke lava telefoni ki he Talēkita 'i he (03) 9345 5044 pe 'imeili kiate kinautolu 'i he rch.ethics@rch.org.au
Ke kau 'i he OurDNA, kuo pau:
Ko e 'omi ko ia ho'o fakangofua ke ke kau 'i he polokalama OurDNA 'oku fai ia fou 'i he pōtolo malu 'i he ope. Te ke lava lesisita he uepisaiti 'aki ho'o lomi'i 'a e “Join now” pe fou 'i he 'epi "OurDNA" 'i he Apple Store pe Google Play Store.
Ko e pōtolo he ope te ne 'oatu ka koe 'a e fakamatala fekau'aki mo ho'o kau mai 'i he OurDNA mo fakamatala'i 'a e me'a 'e hoko ki ho samipolo toto mo e DNA. 'Oku 'i ai 'a e foomu 'e nima ke ke fakafonu ke 'omi ho'o fakangofua:
'E meimei miniti 'e 20 'a hono fakakakato mai 'a e foomu fakangofua. Kapau 'oku 'i ai ha'o fehu'i pe fiema'u tokoni, kataki 'o fetu'utaki mai.
'Oku langa 'e he OurDNA 'a e ngaahi naunau fakatukufakaholo 'oku kau ai 'a e ngaahi komiunití fakamatakali ke tokoni 'o fakapapau'i 'e kau lelei ki he taha kotoa pe 'a e fakalakalaka 'i he fakatotolo fakafaito'o. 'Oku kau heni:
Ki ha to e fakamatala lahiange fekau'aki mo e naunau 'oku tānaki, 'a'ahi ki he peesi ni.
