Ko e OurDNA ko e poloseki 'a e Centre for Population Genomics, ko e fengāue'aki 'i he vaha'a 'o e Garvan Institute of Medical Research 'i Senē mo e Murdoch Children's Research Institute 'i Melipoane.
'Oku mau ngāue fakataha mo ngaahi komiunití ke tupulaki 'a e fakafofonga'i 'o e ngaahi komiunití fakamatakali 'o e kau 'Aositelēlia 'i he ngaahi naunau ki he me'a tukufakaholo mo e ngaahi teitapeisi ke fakafuofua'i mo tala'aki ha mahaki.
Ko e peesi ko eni 'oku fakataumu'a ma'ae kau fakatotolo mo e kau toketā. Kapau ko e konga koe 'o e taha 'o 'emau komiunití OurDNA pea ke fiema'u ke ako 'o toe lahiange fekau'aki mo e polokalama, 'a'ahi ki he peesi Langa ha toe naunau leleiange ki he fakatotolo mo'uilelei mo e fakafaito'o.
Ko e OurDNA Browser ko e teitapeisi 'oku 'atā ke hū kiai 'oku 'i ai e ngaahi fakamatala ki he genome 'o fakataumu'a ki he kau fakatotolo mo e kau toketā ke ngaue'aki ke 'ilo'i mo ako'i 'a e ngaahi fokoutua. 'Oku 'ikai ha teita ha taha fakafo'ituitui 'e vahevahe atu he teitapesisi ko eni.
Ko e fuofua OurDNA browser na'e kamata'i ia 'i 'Aokosi 2025.
Ko e Teita OurDNA ko e pangikē malu 'o e ngaahi fakamatala fakasino mo fakamo'uilelei ke poupou ki he ngaahi fakatotolo fakafaito'o 'e fakangofua he kaha'u 'a ia 'oku ne fakakakato e ngaahi makatu'unga ne fo'u mo e kau faifale'i fakamatakali 'a e OurDNA.
Ko e tānaki'anga fakamatala genomic 'oku pule'i 'a e hū kiai 'o e ngaahi memipa 'o e komiunití 'a ia 'oku 'ikai lava ke 'ilo'i ki he ngaahi fakatotolo he kaha'u, 'oku 'atā 'o fakatatau ki hono fakangofua. 'Oku 'ikai ha fakamatala fakafo'ituitui 'o e kakai 'oku kau he OurDNA 'e 'asi ai.
Ko e Samipolo OurDNA ko e pangikē malu 'o e ngaahi samipolo toto, selo toto, mo e DNA na'e 'omi ki he ngaahi fakatotolo fakafaito'o he kaha'u.