O le OurDNA Browser o se suesuega, faamaumauga lautele o aotelega e uiga i fesuiaiga o kenera. O le a fesoasoani i foma'i ma tagata su'esu'e:
O foma'i ma tagata su'esu'e o le a mafai ona vaai i aga ma mamanu i faamatalaga, ae peitai e le o le tagata sa sau ai faamatalaga. O le OurDNA Browser o se vaega o le fesootaiga faava-o-malo, ma o le a faaopoopo i isi punaoa o loo iai o suiga faakenera o loo avanoa.
Faamaumauga OurDNA ose faletupe malupuipuia o faamatalaga ola ma soifua maloloina. O le a puipuia malu male saogalemu faamatalaga faatupu ma isi faamatalaga faalesoifua maloloina a tagata o loo auai i le OurDNA mo suesuega faafomai i le lumanai.
O Faamaumauga OurDNA o le punaoa o le a faaaogaina pe a faamaonia mai e tagata su'esu'e faalesoifua maloloina ma fomai o loo galulue e manuia ai nuu o tagata Ausetalia. O suesuega e tatau ona fetaui ma ta'iala o loo atia'e ma OurDNA’s faufautua faaleaganuu. O l e ale mafai e le au su'esu'e ona vaaia ni faamatalaga patino o tagata na auai i le OurDNA.
O loo faamoemoe le OurDNA mo le tele o aafiaga i le soifua maloloina ma suesuega faafoma'i e ala i le lagolagoina o galuega suesue e ala i se faletupe malupuipuia o DNA ma sela. O le a aoina e le OurDNA ma teuina malu toto o tagata sa foaiina fua, sela toto ma DNA mo tagata su'esu'e e i le lumana'i.
O le faletupe faataitai a le OurDNA o le a fesoasoani i le faafaigofieina o le faia o le soifua maloloina ma suesuega faafomai e manuia ai tagata nuu o Ausetalia i le lumanai.
Afai e te le mauaina le tali o loo e sailia, faafesootai matou.
Afai e te auai i le OurDNA, o au faamatalaga faakenera o le a tuufaatasi ma le tele o isi faamatalaga faakenera a isi tagata, auiliili, ma tuuina i faamaumauga lautele e fesoasoani i fomai ma tagata su'esu'e e vaai aga ma mamanu i faamaumauga. O tagata o lo'o fa'aaogaina fa'amaumauga lautele e le mafai ona latou vaai po'o ai e aumai ai fa'amatalaga.
Soifua maloloina ma su'esu'ega fa'alesoifua malolona i fafo atu o le OurDNA mai le lalolagi atoa o le a mafai ona apalai e vaai i galuega atoa ai ma fa'ataitaiga ma fa'amatalaga sa aoina e auala mai ile poloketi a le OurDNA. E le mafai ona fuafua mamao le fa'aaogaina o au fa'amaumauga po'o fa'ataitaiga. Peitai, o au fa'ataitaiga ma fa'amaumauga o le a fa'aaogaina mo le lumanai pe a fa'amaonia su'esu'ega.
Fa'alagolago i luga o lau maliega, o lau toe-fa'ailoa o fa'amaumauga (e aunoa ma au fa'amatalaga patino) atonu o le a fa'aaogaina i su'esu'ega e aofia ai lala so'oupu a le malo, e pei o le Matagaluega o le Soifua Maloloina.
O fa'amaumauga e mafai ona fa'ailoa ai oe (o au fa'amatalaga patino) o le a teuina fa'alilolilo. O le a matou le fa'asoaina nei fa'amatalaga sei vagana ua manaomia aloaia e le tulafono ma leai se filifiliga. E na o tulaga e seasea tupu e pei o fa'amatalaga o lo'o valaau i se su'esu'ega o se solitulafono matuia. O le fa'aaogaina o lenei fa'amaumauga o le a tupu ia laina ma le tulafono talafeagai e patino ma le faiga fa'alilolilo a le setete.
O le OurDNA Browser o se punaoa lautele e fa'amoemoe mo fomai ma tagata su'esu'e e iai aoaoga i kenera ma genomics. O le natura o punaoa lautele o lona uiga e tele atu fomai ma tagata su'esu'e e mafai ona avanoa i le Browser, taitai atu i le televave o le alualu i luma fa'asaienisi ma fa'amanuiaga tau soifua maloloina mo nuu auai.
O le OurDNA Browser e mafai ona fa'aaogaina mo suesuega fa'asaienisi, sili atu le malamalama i le soifua maloloina ma le tulaga o le soifua maloloina, ma ia suesueina tulaga tulaga fa'avae i totonu o nu'u l loo le o fa'aalia i le taimi nei. Tagata o lo'o fa'aaogaina le Browser e fa'amoemoe i penefiti po'o fa'amanuiaga i nu'u, a'afiaga tau amio, ma lipoti fa'atatau pe a feso'otai ma fa'amaumauga.
O fa'amaumauga i le Browser e le tatau ona fa'aaogaina e faailoa i tagata taitoatasi poo ai e auai i le OurDNA poo le faatupu poo le faatumauina o fa'ataitaiga e uiga i nuu.
O le aotelega o fa'amatalaga fa'akenera o lo'o maua i luga ole OurDNA Browser o le a aofia i totonu o feso'otaiga fa'ava o malo ole gnomAD databases. O le gnomAD o le punaoa fa'akenera lea e fa'amoemoe e atagia ai le eseesega o le lalolagi e ala i le fa'aofiina o fa'amaumauga mai poloketi e pei o OurDNA i totonu o Amerika i Matu, Amerika i Saute, Europa, Aferika, Asia ma Ausetalia. E mafai ona maua e fomai ma tagata suesue i le lalolagi atoa e vaai i tupulaga ma mamanu i fa'amatalaga, ae le o ai na sau mai ai faamatalaga.
O le iai o se fa'amaumauga tu'utasi e mafai ai e fomai ma tagata su'esu'e i le lalolagi atoa ona maua fa'amatalaga latou te manaomia e su'esu'e ai ma malamalama atili ai i tulaga eseese fa'alesoifua maloloina. O le fa'amaumauga a le gnomAD e fa'avae i le Broad Institute of MIT ma Harvard i Cambridge, Massachusetts.
O tagata su'esu'e fa'alesoifua maloloina ma fa'afomai fa'amaonia i fafo atu o le OurDNA o le a mafai ona talosaga e vaai ma galulue fa'atasi ma fa'ataitaiga ma fa'amatalaga na aoina mai ile poloketi a le DNA. O au fa'ataitaiga ma fa'amaumauga o le a na o le fa'aaogaina mo su'esu'ega fa'amaonia i le lumanai ma na o mafuaaga ua e malie iai.
Pe a matou fa'asoa au fa'amaumauga po'o fa'ataitaiga i tagata su'esu'e fa'amaonia, o le a matou pulea lelei ma aveese fa'amatalaga patino e mafai ona iloa ai oe. Matou te tu'uina atu i tagata talosaga le avanoa i lou soifua maloloina ma fa'amatalaga fa'akenera pe a latou malilie e aua lava nei fa'aaogaina na fa'amatalaga e taumafai ai e fa'ailoa oe.
O tagata su'esu'e fa'amaonia atonu e i Ausetalia po'o atunu'u mamao, aofia i Iunivesite, falema'i, institutes, su'esu'ega fa'afomai, po'o tagata su'esu'e o e e i le vaega a le mo-polofiti biomedical, vailaau, tekenolosi po'o kamupani su'esu'e fa'ama'i.