O a mea e aofia ai?

Ole tu'uina atu o sina fa'ataitaiga ole toto ile OurDNA, e mafai ai ona e mautinoa o lo'o aofia ai lou nu'u i su'esuega fa'a kenera. E mafai ona fesoasoani e faaleleia ai suesuega faafomai, faaleleia le vavalo ma le puipuia o ma'i, ma faaleleia togafitiga o faama'i.

Lau malaga ma le OurDNA

Afai e iai ni au fesili, faamolemole faafesootai matou.

Ina ia auai i le OurDNA, e tatau ona:

  • I luga atu i le 18 tausaga le matua
  • Ia e agava'a mo Pepa Falema'i (Medicare)
  • Ole fa'asinomaga ose tagata lava ia e iai se tupuaga mai se tasi o nu'u po fa'alapotopotoga nei: Filipino, Vietnamese, Lebanese, Tongan, Samoan, or Fijian
  • E mafai ona foa'i se faataitaiga o le toto i Victoria poo New South Wales
  • E le mafai e se tagata ona auai pe afai oi latou po'o so'o se tasi i totonu o latou aiga vava lalata e iai se ma'i ogaoga ole soifua maloloina, pei ole cystic fibrosis, po'o le muscular dystrophy. E le aofia ai tulaga masani e pei o le ma'i inflammatory bowel, kanesa poo le ma'i suka.

Saini i luga o le matou uepesite i le faasa'oina o soo se "Auai nei" faamau. Mulimuli i fa'atonuga e lesitala i luga o le laina.

A ma'ea ona e lesitala, faitau le fa'amatalaga o fa'atagaga ma fa'atumu pepa fa'ataga. E lima vaega e fa'atumu ona mafai lea ona tui lou toto.

O le taimi lava e tuuina atu ai lau maliega, ua mafai ai foi ona avatu le toto i soo se auala:

  • Alu i mea e fai a se OurDNA
  • Su'e le nofoaga o paaga o le fale su'e toto e latalata ia te oe

 Afai o e i se mea na tupu i le OurDNA, saili se sui usufono a le vaega OurDNA ina ia mafai ona latou fesoasoani ia te oe i isi laasaga.

Afai o loo e tuuina atu le toto ile falesu'e toto fai paaga e pito lata ane ia te oe, o se sui usufono a le OurDNA o le a imeli atu ia te oe le pepa sue toto i totonu o le 2 aso faigaluega talu ona e lesitala. O le a latou tuuina atu ia te oe nisi faamatalaga auiliili i le auala e mafai ai ona e tuuina atu le toto.

Afai o e aumau i Vitoria, e mafai ona e tuuina atu le toto i soo se nofoaga Melbourne Pathology.  Afai oe i New South Wales, e mafai ona e tuuina atu le toto i soo se nofoaga Douglas Hanly Moir Pathology. E mafai ona e tuuina atu le toto i soo se taimi i itula tatala mai Aso Gafua i le Aso Tofi. E le mana'omia ona e faia se taimi e tuuina atu ai le toto.

E le manaomia ona e anapogi ae le i tui ina le toto. Faamolemole inu ia tele le vai ae lei faia ma mae'a lau foa'i!

O le taimi lava e te tu'uina atu ai le toto, o le a e mauaina se pepa e toe totogi ai lou taimi.

Afai e mafai ona e auai atu i mea tutupu a le OurDNA e tui ina ai lou toto. Ole a avatu e le sui ole vaega OurDNA ia te oe ile taimai lava lea le totogi ai lou taimi.

Afai o loo e tuuina atu le toto i le nofoaga e sili ona lata mai i lau falesuetoto faipaaga, o le a tuuina atu e se sui o le OurDNA se pepa totogi i totonu o le 2 aso faigaluega. E tatau ona e mauaina le pepa totogi i le meli i totonu o le 2-3 aso faigaluega.

I le avea ai o se vaega o le faagasologa o maliega, e mafai foi ona e filifili e maua tala lata mai i suesuega, taunuuga, ma le a'afiaga o lou auai.

E mafia ona e fa'afeso'otai mai matou i lou mulimulitaia lea o matou i luga ole Instagram poo Facebook, poo le lesitala i la matou nusipepa.

AUAI NEI LOA IA FAI SE SUIGA

Suitulaga i mataupu su'esu'e

Auai nei ile OurDNA, e mafai ona e fa'amautinoa o lo'o aofia ai lou nu'u i su'esu'ega fa'a kenera. E mafai ona fesoasoani i le fa'aleleia atili o su'esu'ega, vaaiga, puipuiga, ma le togafitia o ma'i.

Ose fa'ataitaiga itiiti, ose a'afiaga tele

O lou tu'uina atu o sina fa'ataitaiga o le toto, o lou sao lea i punaoa ma fa'amaumauga o lo'o fa'aaogaina e foma'i ma tagata su'esu'e e malamalama ai i fa'afitauli tau le soifua maloloina aua e taua lea i nu'u ma fa'alapotopotoga.

Mo se faataitaiga, o se suiga o le eseesega i lau DNA e ono mafua ai se tulaga fa'alesoifua maloloina o loo ia te oe. O le suiga tutusa po'o le eseesega i se tagata mai se isi nu'u e mafai ona ta'atele ma e le afaina ai lo latou soifua maloloina. O le iloa atili e uiga i suiga o le DNA i lou nuu e mafai ona fesoasoani e faamaonia lelei tulaga fa'alesoifua maloloina ma galuega agai i le togafitia poo le puipuia o i latou i le lumana'i.

Fausiaina ma fa'aleleia punaoa fa'anatura

 

O tagata e faia se eseesega

"The good thing with OurDNA is they're here to learn more about the common and the unknown diseases, especially for Filipino communities."

Niel Tequin, Founder of Filipino Ballers Club

sui auai o le Filipino Nuu

Faalauaitele le molimau
Visit OurDNA's Instagram Account
Visit OurDNA's Facebook Page

Mea o le a tutupu OurDNA

E iai ni fesili?

Afai e te le mauaina le tali o loo e sailia, faafesootai matou.

Ina ia auai i le OurDNA, e tatau ona:

  • I luga atu i le 18 tausaga le matua
  • Ia e agava'a mo Pepa Falema'i (Medicare)
  • Mafai ona fai se fa'ataitaiga o le toto i Victoria poo New South Wales
  • Fa'ailoa e le tagata lava ia e iai se tupuaga mai se tasi o nuu e lei fa'ailoina i punaoa faa kenera. Asiasi i lenei itulau e siaki poo fea le nu'u o loo matou galulue malosi fa'atasi.
  • E le mafai e tagata ona auai pe afai oi latou po'o se tasi o latou aiga vavalalata e iai se ma'i ogaoga o le soifua maloloina, pei o le cystic fibrosis po'o le muscular dystrophy. E le aofia ai tulaga masani e pei o le ma'i inflammatory bowel, kanesa po'o le ma'i suka.

Afai e te auai i le OurDNA ma filifili e toe maua mai fa'amatalaga tau i le kenera, o lenei fa'amatalaga e mafai ona ta'u ia te oe se mea e uiga i lou soifua maloloina po'o le soifua maloloina o lou aiga i le lumanai.

Talu ai e leai se totogi e sueina ai nei fa'amatalaga e ala i le su'esu'ega, matou te manaomia le agava'a i le pepa falema'i (Medicare) e mautinoa ai e mafai ona e avanoa i auaunaga tau falema'i pe a matou toe fa'afoi mai se taunu'uga. Afai o lo'o puipuia oe e le Medicare I Ausetalia, e masani lava e leai pe maualalo le totogi mo auaunaga fa'alesoifua malolina fa'atasi ma le fa'asinoga a se foma'i.

Tusa lava po'o le a le tulaga o visa, o le OurDNA e na o tagata o lo'o puipuia e le Medicare ile taimi o le maliega. Afai e te le o mautinoa e uiga i lou agava'a mo OurDNA, fa'amolemole talanoa i se sui o le vaega su'esu'e. 

Ioe, e mafai ona e auai i le OurDNA pe afai e iai sau pe'a.

Leai, e na o le fa'atasi e fa'ataga e auai i le OurDNA. E taua le sao o tagata ta'itoatasi ae matou te manaomia le tele o tagata eseese e auai mo le matou fa'atupuina o se eseesega i su'esu'ega fa'afomai ma le soifua maloloina mo le lumanai.

O le maliega mo le auai i le polokalame a le OurDNA e faia e ala i luga o le laina malupuipuia. E mafai ona e lesitala i luga o le upegatafa'ilagi i le faasa'oina le faamau “auai nei" pe ala mai le  “OurDNA” app i totonu o le App Store poo Google Play Store.

O le online portal o le a tu'uina atu ia te oe fa'amatalaga e uiga i le auai i le OurDNA ma fa'amatalaina le mea ole a tupu i lou toto ma fa'ataitaiga DNA. E lime (5) pepa e te fa'atumuina e tu'uina atu ai lau fa'atagaga:

  • Suesuega fa'afa'ata
  • Lesitala
  • Tupuaga, soifua maloloina, ma fa'amatalaga fa'aleaganu'u
  • Lau maliega
  • Aoina o le toto

E tusa ma le 20 minute e mae'a ai le fa'agasolo pe fa'atumu ai le maliega. Afai e iai ni au fesili pe manaomia se fesoasoani, fa'amolemole fa'afeso'otai matou.

E fesili le OurDNA i tagata auai e faamae'a seti pupuu o fesili e fesoasoani ai ia i matou ia malamalama i nisi mea e uiga i lou soifua maloloina ma sa e maua, poo i le taimi nei, nisi tulaga tau soifua maloloina.

O lenei fa'amatalaga o le a fesoasoani i foma'i ma tagata su'esu'e e sailia ai tulaga o le soifua maloloina atonu e ta'atele i tontonu o lou nu'u, ma faia se mafutaga i le va o le suiga i totonu o le DNA, ma o nei tulaga masani e sili atu ona manino. O nei mea o le a fesoasoani i tagata su'esu'e e fausia ni meafaigaluega sili atu e vaai ai, fa'amaonia ma togafitia tulaga, e pei o le ma'isuka ma ma'i fatu.

Afai e te auai i le OurDNA, e te tu'uina atu se fa'ataitaiga o lou toto i se mea na tupu OurDNA poo se isi o a matou paaga falema'i su'etoto.

O nisi o fa'ataitaiga o lou toto o le a fa'aaogaina e aoina mai ai DNA ma faitau ese ai au fa'amatalaga fa'akenera. O lou toto, sela o toto, fa'amatalaga soifua maloloina, ma fa'amatalaga o fa'akenera o le a teuina ma a'oa'oina e faia ai su'esu'ega e le soifua maloloina ma su'esu'e fa'afomai e faigofie ona fai.

Afai o e fuafua e tu'uina atu le fa'ataitaiga o lou toto ise tasi o falesu'e toto faipaaga, fa'amolemole asiasi iai e tatala mai i le Aso Gafua e o'o ile Aso Tofi.

O le tu'uina atu o le toto i le va ole Aso Gafua ile Aso Tofi e fesoasoani e fa'amautinoa lou auai e sili atu lona a'afiaga. O nisi fale su'esu'e e tapunia i fa'aiuga o vaiaso ma e fa'agesegese foi le fela'uaiga. E le mafai ona matou mautinoa o fa'ataitaiga na tu'uina atu ile Aso Faraile i le Aso Sa e mafai ona aofia i totonu o le matou OurDNA se'i vagana ua tu'uina atu ise fa'alapotopotoga fa'apitoa a le OurDNA.

Afai e nao le fa'aiuga o le vaiaso e mafai ai ona e tu'uina atu ai le toto, fa'amolemole siaki iinei mo mea o le a tutupu i le OurDNA.

O a matou tagata agavaa e aoina toto e na o sina faataitaiga laititi o le toto: 30 ml. E itiiti ifo ma le lua sipunitele o le suavai!

Afai e te auai ile OurDNA, e mafai ona e talosagaina se kopi o fa'amaumauga o lou faale-kenera. O au faamaumauga faalekenera o se faitau faaeletoroni o lau DNA e na o polokalame komepiuta e mafai ona faitau ai.  Peitai, e le oo mai ma ni faamatalaga tusitusia e uiga i lou soifua maloloina, lou tupuaga poo isi uiga.  

O le tele, ae le o tagata uma, o loo auai i le OurDNA o le a maua faamaumauga faalekenera mafua mai i faataitaiga mai o latou toto. Afai e te talosagaina, ma o loo iai a matou faamaumauga mata, e mafai ona matou tuuina atu ia te oe.

Afai e iai ni au fesili pe e te manao i nisi faamatalaga, faamolemole faafesoota'i matou.

Afai e te filifili e te auai i le OurDNA, matou te fesiligia oe pe ete manao e toe maua mai fa'amatalaga, so'o, faamatalaga e uiga i soo se suiga tau kenera e mafai ona ta'u atu ai ia te oe se mea e uiga i lou soifua maloloina i le lumanai poo le soifua maloloina o lou aiga.

Ua na o se fuainumera laitiiti o tagata lo'o o loo auai i le OurDNA o loo manana'o e mauaina i'uga faapenei. O le a na o le OurDNA e ofoina atu lenei fa'amatalaga mo suiga o le kenera o loo:

  • malamalama lelei, ma
  • pe a iai ni gaioiga e mafai ona e faia e fa'aleleia ai lou soifua maloloina poo le puipuia o se tulaga fa'alesoifua maloloina

O lenei fa'amatalaga e le mautinoa e avanoa mo ni nai tausaga ona e mana'omia e tagata su'esu'e fa'amatalaga e uiga ile kenera ile OurDNA ia galueina i mea aoga e toe fo'i mai. Afai e te manao i le suesuega o kenera mo le soifua maloloina, faamolemole talanoa i lau fomai poo se fomai faalesoifua maloloina.

E ofoina atu e le OurDNA fa'aiuga mo suiga o kenera ia malamalama lelei, pe a fai foi e iai ni gaioioiga e mafai e oe ma lau foma'i ona faia e fa'aleleia ai lou soifua maloloina pe puipuia ai se tulaga fa'alesoifua maloloina.

Tulaga e mafai ona aofia ai:

  • Kanesa o le susu ma ovarian ma nisi colon cancers
  • Maua mai le cholesterol maualuga (familial hypercholesterolemia)
  • Tulaga o kenera o le fatu e pei o arrhythmias ma le cardiomyopathy.

E le toe fa'afoiina mai e le OurDNA fa'amatalaga mo tulaga e pei ole galogalo o mea, e tele eseesega e aofia ai, ma e leai se mafuaaga fa'aletagata, po'o se gaioioiga e mafai ona e faia.

O lenei fa'amatalaga o le a toe fa'afoi atu ia te oe e se foma'i fa'apolofesa a le OurDNA: mo se fa'ataitaiga, ose faufuatua kenera. O faufautua kenera ua a'oa'oina e lagolago tagata ma aiga ua a'afia i le, pe i se tulaga lamatia o le maua, se ma'i fa'alesoifua maloloina.
 

E le mafai e le OurDNA ona toe fa'afoi fa'amatalaga mai tupuaga o tagata o lo'o auai. Matou te malamalama e toatele tagata e fia iloa latou tupuaga, ae matou te iloa foi e tele auala eseese e mafaufau ai i aiga, so'otaga ma fa'asinomaga.

Matou te manana'o ia fa'aaloalogia fa'asinomaga o tagata uma ma aganu'u ma le misiona a le OurDNA o le faia lea o su'esu'ega fa'ale kenera e manuia ai tagata uma. Afai e te auai i le OurDNA, e mafai ona e filifili e aumai i tua fa'amatalaga o kenera e mafai ona ta'u atu ia te oe se mea e uiga i lou soifua maloloina po'o le soifua maloloina o lou aiga i le lumanai.

Vaaiga o FAQs uma