Na Browser ni OurDNA e tiko kina na itukutuku yaga eso e rawa ni vakeli vakadikevi na ivakamacala lekaleka ni veika era duidui kina na sela dikevi ni tamata yadua. Ena vukei ira na vuniwai kei ira na daunivakadidike:
O ira na vuniwai kei ira na daunivakadidike era na vakadikeva na veika e tatara tiko ena itikotiko ena itukutuku e vakarautaki mai, ia era na sega ga ni kila se gole mai vei cei. Na OurDNA Browser e rabailevu toka na kena veiqaravi kei ira na veitokoni kina, ena rawa tale ga ni veitokoni ena vakadidike tale ga eso sa vakayacori tiko mai ena veika e vauca na duidui itukutuku ni tamata yadua.
Na OurDNA Data se itukutuku e kumuni rawa e dua na baqe se vanua era maroroi tu kina na itukutuku ni veika bula se kena ituvaki e dua. Ena maroroya vinaka na itukutuku sa dikevi rawa me baleti ira na vakaitavi ena OurDNA ena vuku ni vakadidike ena veigauna se bera mai.
Na OurDNA Data se kena itukutuku era na vakayagataka o ira na kenadau vakadonui ena tabana ni bula kei na veiqaravi vakavuniwai ena vakatorocaketaki ni nodra bula na duikaikai e Ositerelia. O ira na daunivakadidike mera na yacova ivakatagedegede eratou sa vakarautaka tu OurDNA’s multicultural advisors. O ira na daunivakadidike era na sega ni raica rawa na kedra itukutuku vakaitaukei o ira era sa vakaitavi ena OurDNA.
E nona inaki na OurDNA na vakatorocaketaki ni veiqaravi ni bula kei na vakadidike ni veiqaravi vakavuniwai ena kena tiko e dua na baqe ni vanua e maroroi kina na DNA kei na sela. Na OurDNA ena kumuna qai maroroya vinaka na dra era cautaka na tamata yadua, sela ni dra kei na DNA me rawa ni vakadikeva na daunivakadidike ena veigauna mai muri.
Na veika kece era maroya na OurDNA ena veivuke vakalevu sara ena veiqaravi ni tabana ni bula kei na vakadidike vakavuniwai ena veitikotiko duikaikai e Ositerelia ena veigauna mai muri.
Kevaka o sega ni raica na ka o vaqara tiko, veitaratara mai vei keitou.
Kevaka o vakaitavi ena OurDNA, ena kumuni ena dua vata ga na vanua na veika e dikevi baleti iko kei na vuqa tale ga era sa dikevi mai, tiko na kedra ivakamacala lekaleka qai biu tu ena vanua era na rai kece kina na vuniwai kei ira na daunivakadidike mera raica kina ke tiko na veika era sema kina na veitukutuku era sa kumuni rawa. O ira na rai ena vanua era biu tu kina na itukutuku qori era na sega vakadua ni rawa ni kila se kemu itukutuku qori.
O ira daunivakadidike kei ira na vuniwai ena taudaku ni OurDNA era tu e veiyasai vuravura era na volavola mai ena OuDNA mera dikeva vinaka qai raica na sabolo kei na itukutuku sa kumuni rawa. E sega ni rawa ni kilai na sala kece e rawa ni vakayagataki kina na kemu itukutuku se sabolo ena vakadidike ena veigauna mai liu. Ia, ena vakadonui ga me vakayagataki na nomu sabolo kei na itukutuku sa kumuni rawa ena vakadidike ena yaga raraba.
Ena vakatau na veika o sa vakadonuya, na kemu itukutuku e veisautaka na kena ivakamacala e biu kina (sega ni vakatakilai na veika me baleti iko) ena rawa ni vakayagataki ena vakadidike ni isoqosoqo eso ni matanitu, me vaka na Tabana ni Bula.
Na itukutuku e rawa ni o kilai kina (kemu itukutuku vakaitaukei) ena maroroi vinaka tu ga. Keitou na sega ni wasea vakadua na itukutuku qori vakavo sara ke vinakati vei keitou vakalawa me caka vakakina. Ena tutu yadua me na qai caka qori me vaka na kena biu mai e dua na ivola ena mateveilewai ena vuku ni vakadidike e vakayacori se dua na veika e vauca na basulawa. Na vakayagataki ni itukutuku qo ena caka ga me salavata kei na lawa ni matanitu kei na lawa ni itukutukuu maroroi.
Na OurDNA Browser e vanua era rai kina e levu na vuniwai kei ira na daunivakadidike era vulica na veika e vauca na genetics kei na genomics. Na kena rawa ni dikevi vakarawarawa na itukutuku qori ena rawa kina vei ira na vuniwai kei ira na daunivakadidike mera rai ena Browser qai veivuke tale ga ena vakatorocaketaki ni veiqaravi vakavuniwai kei na tabana ni bula ena veitikotiko era vakaitavi kina.
Na Browser ni OurDNA ena rawa ni vakayagataki ena vakadidike vakasaenisi, na kena kilai vakavinaka na ituvaki ni bula kei na mate e tarai keda, na kena sagai me wali na mate ni kawa ena itikotiko ena veivanua era sega dikevi vakavinaka sara tiko. O ira na vakayagataka na Browser ena namaki mera raica na veika ena yaga raraba ena itikotiko qai nodra itavi mera vakaraitaka mai nira vakayagataka na itukutuku era tu kina.
Na itukutuku ena Browser me kua ni vakayagataki me kilai kina o ira era vakaitavi ena OurDNA se uqeta na veivakaduiduiitaki ena dui itikotiko.
Na ivakamacala lekaleka ni itukutuku ena rawati ena vakadidike ni dui itikotko e tiko ena OurDNA Browser ena biu tale ga ena monalivaliva e mera laurai raraba e veiyasai vuravura ena international network of gnomAD databases. Na <1>gnomAD</1> na vanua e tiko kina na itukutuku eso era vakadikevi me baleti ira na duikaikai e kena inaki me duavata ga na itukutuku kece e dikevi qai biu vata na kedra ivakamacala lekaleka wili kina na kena e kumuni mai na OurDNA e Vualiku kei Merika, Ceva kei Merika, Urope, Aferika, Esia kei Oisiterelia. Era na rawa ni vakayagataka na vuniwai e veiyasai vuravura mera raica na ituvaki e sotavi raraba ia era na sega ni kila ga na kena itukutuku vakaitaukei o koya e nodra.
Ni tiko ga e dua ga na vanua ni dikevi ni itukutuku ena rawa kina vei ira na vuniwai kei ira na daunivakadidike mera raica na itukutuku e gadrevi me wali kina e dua na ituvaki se me kilai kina e dua na mate. Na itukutuku e tiko ena gnomAD database e yavu mai na Broad Institute of MIT and Harvard mai Cambridge, Massachusetts.
O ira na daunivakadidike se o ira na tabana ni bula era vakadonui mera vakayacora na veidikevi era na volavola mai vei keitou mera vakadikeva na sabolo e vakarautaki yani kei na itukutuku sa kumuni rawa ena sasaga ni OurDNA. Ena qai vakayagataki ga na veika e dikevi me baleti iko ena sasaga veiganiti e yaga raraba ena veigauna mai muri kei na veika o sa vakadonuya tu me vakayagataki kina.
Ni keitou wasea na kemu itukutuku se sabolo kei ira na kenadau era vakadonui, keitou na qarauna vinaka sara na itukutuku e biu qai sega ni na vakatakila na kemu itukutuku vakaitaukei. Keitou na solia ga na veivakadonui mera curu mai eso na vuniwai kei na daunivakadidike mera raica na itukutuku e sa kumuni rawa kevaka era vakadonuya nira na sega ni vakayagataka ena sala mera kilai kina o iko.
O ira na daunivakadidike vakadonui era rawa ni tiko e Ositerelia se veiyasai vuravura, wili kina na univesiti, valenibula, vanua ni dikevi ni veika vakavuniwai, kei na isoqosoqo eso e sega ni rawa tubu, se o ira na daunivakadidike era tiko ena isoqosoqo sega ni rawa tubu ni biomedical, wainimate e valenibula, tabana ni yaya vovou se kabani ni vakatovotovotaki ni misini.