O lo matou faaaogāina o le AI

Fa'aaogāina o meafaigaluega atamai fa’atekonolosi (AI) ina ia sili atu le tonu o su'esu'ega tau kenera mo tagata uma

O le vaega fa’afoma’i mo Kenera (Genetic Medicine) ua suia tausiga faale soifua maloloina. E suʻesuʻe e fomaʻi ma saienisi faʻamatalaga i le DNA e fesoasoani e faʻamatalaina, fa’ailoa pe valoia tulaga tau soifua maloloina, ma fesoasoani e saili togafitiga sili mo tagata taʻitoʻatasi.

Ae o lo’o tele se aofaiga o fa’amatalaga e mana'omia ona malamalama i ai. O le DNA o tagata ta'ito'atasi o lo'o iai le faitau piliona o ‘mata'itusi’, ma e fa'asalalauina e saienisi le faitau afe o va’aiga fou ua maua i masina ta'itasi.

O iinei e mafai ai ona fesoasoani le atamai fa'atekonolosi (AI). E lē tasi se atamai fa'atekonolosi (AI). O meafaigaluega faatekonolosi e mafai ona maua aga masani (patterns) i totonu o ni fa'amatalaga e tele. Ona o le DNA e u’uina le tele o faamatalaga, o kekera o se mataupu e mafai e nei mea faigaluega ona faia se suiga tele ma le aoga.

Tekonolosi e aoga mo tagata uma

O le sini autū lava o le OurDNA ia mautinoa e maua e nu'u uma fa’amanuiaga mai le alualu i luma o le soifua maloloina. A'o avea le atamai fa'atekonolosi (AI) ma vaega o su'esu'ega tau kenera (genetic research), ia mautinoa o lo'o maua fo'i e nu'u fa’amanuiaga mai le aga'i i luma o tekonolosi.

E taua lenei mea aua e a'oa'oina le atamai fa’atekonolosi (AI) mai i faamaumauga. O le tele o faamaumauga o kenera na a'oa'oina i suesuega mai tagata e tupuaga mai i Europa. E mafua ona e le'i aofia isi nu'u i su'esu'ega, ae lē ona o se tulaga e fa'atatau tonu i na lava nu'u. O le i'uga, o le tele o tagata mai nu'u eseese e le'o lava le fa'atusaina i totonu o nei fa'amatalaga.

A a'oa'oina le atamai fa'atekonolosi (AI) mai fa'amatalaga e lē atoatoa, e ono fa'aitiitia le lelei o la latou galuega mo nu'u e lē o lava le fa'atusaina i totonu o na fa'amatalaga. Nai lo le aveesea o eseesega e mafai ona le taunuu i se soifua maloloina talafeagai, e ono fa‘atupula’ia le va o nei fe‘ese‘esea‘iga.E le'i fausia tekinolosi fou ma le manatu i mana'oga o nu'u ta'itasi, ma matou te manana'o e sui lenā tulaga.

Matou te talitonu o le auala sili e taofia ai le fa‘ateteleina o nei va fe‘ese‘esea‘iga ona o le atamai fa'atekonolosi (AI), o le aofia ai lea o nu‘u ma afio‘aga i fa‘amatalaga o lo‘o a‘oa‘o mai ai, mai lava i le amataga. O lo'o fausia e le OurDNA fa'amatalaga tau kenera e atagia ai nu'u uma o Ausetalia. E fesoasoani lenei e fa‘amautinoa o matata fou fa’afoma’i ua ausia, fa‘apea tekinolosi ua fa‘avae i luga o nei matata, e aogā mo tagata uma.

Pe afai e fa'aaoga tatau, o le atamai fa'atekonolosi (AI) o le a lē na'o le fa'avavevaveina o galuega su'esu'e. E mafai ona fesoasoani ia sili atu ona tonu.

O se si’itaga vave o meafaigaluega fou mo se lu'itau ua leva ona iai

I le OurDNA ma le Centre for Population Genomics (CPG), matou te saili auala e sili atu ina ia malamalama i faamaumauga tau kenera. Professor Daniel MacArthur, Director of CPG, na famalamalamaina:

"E silia ma le afa o aiga o lo'o a'afia i ma'i e mafua mai i tulaga tuga tau kenera (severe genetic conditions),e le o maua se tali e fa'amatala ai le mafua'aga o le ma'i o a latou fanau; o le tulaga lea e fa'atapula'aina ai lo latou avanoa e maua ai ni togafitiga fou po'o le auai i su'esu'ega fa'afoma'i. O le fa'afitauli tele ua le o toe fa'atatau i le fa'atulagaina o le fa'asologa o le DNA, ae o le galuega faigata ma le umi e mana'omia ai le faatino (manual) le faitauina ta’itasi ma fa'amatala suiga fa'a-kenera (genetic changes) ua maua i totonu o kenera o gasegase."

Faitauina o le DNA ua lē o toe avea ma vaega faigatā. O le malamalama i ai, o le tulaga lea.

Mo se faataitaiga, pe a mauaina e le ausaienisi se suiga i le DNA o se tasi, e manaomia i latou ina ia galueaina pe mata e le afaina pe mafai ona aafia le soifua maloloina. E faitau miliona suiga e ono tutupu, ma o le iloiloina ta'itasi o se fa'agasologa e umi se taimi o faatino. E mafai e le atamai fa'atekonolosi (AI) ona fesoasoani e valoia suiga e sili ona taua, ina ia mafai ai e saienisi ona fa'amuamua le taula'i i na suiga.

O nei mea faigaluega o laasaga fou i le foia o faafitauli faapena, ma latou fesoasoani i le au saienisi ia vave maua tali mo aiga.

E fa'aaogaina e le CPG mea faigaluega nei i a matou suesuega o faamai e seasea iloa, ma matou fesoasoani foi ia fausia ma faaleleia ia meafaigaluega. O se mea faigaluega e aoga pe afai e sa'o lelei ma fa’amoemoeina, o le mea lea e iloilo ma le fa'aetete ae lei fa'aaogaina i su’esu’ega o loo aafia ai le soifua maloloina o tagata.

O le mea e lē suia e le atamai fa'atekonolosi (AI)

E taua le tatou malamalama lelei i mea e lē suia e le atamai fa'atekonolosi (AI). O le atamai fa'atekonolosi (AI) o se auala e su'esu'e ai fa'amatalaga, e pei lava o isi meafaigaluega tatou te fa'aaogaina. Latou te lē suia ai folafolaga ua matou faia ina ia puipuia ai au fa‘amatalaga.

E tumau pea na folafolaga e le suia, e tusa lava pe ua fa‘afou ma fa‘ateleina le malosi o meafaigaluega:

🔒 Faalilolilo ma le malu puipuia

Tausisia ia saogalemu ma faalilolilo ou faamatalaga patino o le matou faamuamua maualuga lea. O au fa'amatalaga patino po'o fa'amatalaga e iloa ai oe e lē tu'ua lava lo matou si'osi'omaga saogalemu.

🏥 Mo na o suesuega faafomai

O se vaega ma faamatalaga e te tuuina mai ua na o suesuega faalesoifua maloloina ma fa’afoma’i e faaaoga iai.

✅ O lau filifiliga

O lou auai o lau lava filifiliga, ma e mafai ona e filifili e taofi lou auai i so'o se taimi.

🤝 Avanoa tutusa

Matou te galulue ia mautinoa e maua uma e nu'u faamanuiaga mai nei meafaigaluega.

🔍 Vaai toto'a

E tMatou te mata'ituina toto'a so'o se meafaigaluega e fa'aaogā e a matou ausu'esu'e e iloilo ai au fa'amatalaga.

⚙️ Manino

O le a matou fa'ailoa manino i taimi uma pe fa'apefea, o fea, ma le taimi matou te fa'aaogaina ai atamai fa'atekonolosi (AI).

Vaai agai i luma

O le a iai se sao tele o le atamai fa'atekonolosi (AI) i le lumana'i o su'esu'ega tau kenera. A o atina'eina mea faigaluega nei, o le a matou gaalulue vava lalata pea ma le Multicultural Advisory Group, o se vaega e fesoasoani ia fa'amuamua pea mana'oga o o tatou nu'u i so'o se meafaigaluega tatou te fa'aaogaina ma so'o se mea fou tatou te maua.

O le a matou fa'asoa atu i le lumana'i, nisi fa'amatalaga e uiga i le auala o lo'o fa'aaogā ai e le CPG nei meafaigaluega. O lo'o iai se atina’e ta'ua o le TranslatED [link], lea o lo'o su'esu'e ai pe fa'apefea ona fesoasoani le atamai fa'atekonolosi (AI) i le to'atele o tagata ina ia mafai ona auai i su'esu'ega tau kenera (genetic research) i a latou lava gagana. O se tasi lea o auala o lo‘o tatou fa‘aaogā ai nei meafaigaluega e fa‘alautele ai avanoa, ae lē o le fa‘aitiitia.